صدیق
خال تر زلفو لاندې تل د دلبر ګوره
دانه دام شوه صيادي کا په نمر ګوره
که په غاړه د کوثر مري نه يې وينې
مخ په خط کې د دلبر جانپر ور ګوره
محبت مې له زړه ستا نه دی دور وينم
آب په زړه کې مضطرب د ګوهر ګوره
نور په تورو سترګو کيږدي بې نقابه
په سينه کې مې ګلګون د ساغر ګوره
په ظاهر لکه اوبه باطن مې اور دی
ايره تل پروته په تن د اخګر ګوره
قناعت لکه سايه همت همای دی
پورته درومه د همت بال وپر ګوره
د طلب لمن صديق لاندې تر پښو کړه
په درياب جهاز قايم بې لنګر ګوره