صدیق
د غمزې تورې ته تاب کله څوک ستا کا
آينه صيقل جوهر ته چې قبا کا
خارمدام نازک قدم ږدي په حنا کې
څه اندوه د خاره چا چې اور تر پا کا
د تقدير ساعت په غم مبدل نه شي
څه پروا استاد له چينه د بوريا کا
یو زمان راحت ظاهر وباطن نشته
څه حکمونه په ملکونو څوک د چا کا
د دوښمن خاموش لوی مکر و فريب دی
مار ګذار آخر په پښه باندې قضا کا
دا شيرين عمر څو ورځې غنيمت دی
هرنادان يې بای په مينه د دنيا کا
د دښمن دوستی اميد مکړه صديقه
کوم هوښيار اوبه له کاڼی تمنا کا