صدیق
څوک به څه زخمونه شمار د زړه زما کا
په حساب به څوک موجونه د دريا کا
د شبنم په دود يې ځای شي د نمر سترګه
چې نظر په هغه ښکلی مخ زيبا کا
د تسپو ګرزول جوړ ريګ روان دی
څوک به څه ثنا شماره په زړه زما کا
په کاته په خندا زړونه د جهان وړې
په هوس به ستا څوک څه رنګ تماشا کا
د هوسيو سواد واخيست شو له سترګو
چې نظر مجنون په سترګو د ليلا کا
د سيلاب جلب رښتيا دی پخپل واک کې
په وعده به څوک د ښکليو تقاضا کا
مګر خيال د يار رهبر شي لکه خضر
او که نه توبه څوک څه رنګ له صهبا کا
بلبلانو ته چمن پريږده صديقه!
څوک به څه د هسې خلک مدارا کا