فرید باراني
مثنوي
کاشکې زه هم وای مجنون په تورو غرونو کې
د لیلا د غم زړه خون په ګړنګو کې
نه به ښه وای نه به بد ډول ناورین وای
د سینې په خلوتګاه کې به زړه شین وای
چې خمار وای د بېلتون په ورځو شپو کې
ګرځېدای د یار له غمه په دښتو کې
هېڅ میین په زړه ویشتلی نه و داسې
لکه زه چې تر زړګي مې څړیکې باسې
دا نو زه یم چې د شپو روځ بېلتون یم
د لیلا د غم ځپلی ځیګرخون یم
چې مې زړه خدای دی خوار کړی له ازله
دغه حال دی چې اوس ګرځمه بې مله
۲۱-۹-۱۳۸۴