فرید باراني
اضطرابي خوبونه
زما ملګرې زمانه
زما د رنګ او لېونتوب څخه پوښتنه کوي
زه ورته څه ووایم؟
زمانه زما ملګرې
زما د رڼو سترګو خوب څخه پوښتنه کوي
زه ورته څه ووایم؟
زما او ستا خبرې
خو زما او ستا سره دي
زما او ستا د مینې
اضطرابي خوبونه
خو ما او تا لیدلي
اوس خو د ښار په واټنونو کې همدا کیسې دي:
هغه پلانیان پېژنې؟
مامې ظاهره څېره
ټوله بدله کړله
ګوندې چې خلک مې ونه پېژني
خو ما هم واورېدله
چا رانه وپوښتله :
هغه پلانیان پېژنې؟
نه د بېلتون حوصله
نه مو د وصل جرئت
زما ناپوه جانانه
زما بېګناه ضمیر
او
ستا بد ګمانه خاطر
په موږه څه وکړله!
۱۳۸۹- ۳- ۲۳- جلال اباد