فرید باراني
زما د ژوند ښه او بد
ستا له کردار نه سر چینه اخیستې
له یوې خوا دغه نا مراده فصل
چې زما د زړه وینې یې
ستا په یاد ټولې وڅښې
او د یوه ژېړ ناک
په شان یې وغورځاوه
له بلې خوا
دغه بې شانه حسن
زما د زړه د ارادو په رګو خونه وکړي
او زما د نیمو شپو په خوب کې ژړا
مې د فطرت ګراف را وځړوي
اوس خپله غوږ ونیسه
څو فکتورونو زما په زړه باندې هجوم راوړی
اې، د عیشونو د ښکلا او د ښایست ملکې!
پرېږده همداسې مړ شم
زه مې د زړه سره همداسې ژړېدلی ښه یم
۱- ۱۰- ۳۸۸- جلال اباد