فرید باراني
په ژوند میین یمه
د ژوند ښه او بد
د ژوندانه شنې خوشحالۍ
تورې ناخوالې
ما مبارز لویوي
د ژوند کارونه دي
بس پرېږده چې خپل آس
زموږ د ژوند د هرې ساه پټي کې وځغلوي
ژوند چې هر پل د تقدیرونو پر لمنې کېږي
نو موږ به چوپ نه کینو
مبارزه به کوو
اوځان به رسوو د خدای تر اوامرو پورې
ژوند خو همدا دی:
لږه خندا، پرله پسې غمونه
له ځانه وکړه
خو د ژوند نه شکایت مه کوه
له ټولو بړوس شه
خو له ژونده خپه کېږې به نه
ځکه چې
ژوند خو له پخوا نه د تقدیر په لمن
زموږ په اړه ډېر څیزونه لاسلیک کړي وله
۱۳۸۹-۷-۱۴- جلال اباد صفا راډیو