فرید باراني
نظر
هر یو نظر یې
ښکلو سترګو کې
د زرو ارمانونو سره
لکه یو خوب
زما په زړه ولګېد
نظر یې پاتې شو او دا لاړه
د ژوندون په تصامیمو یې اودس تازه کړ
او د عشق لمونځ ته یې
خپله اروا چمتو کړه
زما په سترګو کې بس پاتې شو
د زرو ارمانونو سره
د ښکلو سترګو نظر
او زما نه پاتې شي
او پاتې به شې
ازادې کرښې د زرګونو ارمانونو سره
دا چې یې چا ته لیکم
زه پرې پوهېږم
زما شعر او هغه ښکلی نظر
۱- ۱۱- ۱۳۸۹ - جلال اباد، صفا راډيو دفتر