فرید باراني
دا دي پینځه کاله پوره شول
د زړه په وینو توروم
د کتاب هره پاڼه
ورسره وینې ژاړم
خو لا هم پوه نه شومه
چې دا غمګینې کرښې چاته لیکم؟
شاعري چاته کوم؟
او داسې څوک دی
چې زما د زړه په پوله ناست؟
په هر نظر راته یادونه د آرمان جوړوي؟
آه
یو ځلې راشه
ځان راوپېژنه
راته راتم شه چې د ژوند ماته بېړۍ
له دردېدلي سمندر څخه راپورې باسو
نور نو د ژوند نه والله ستړی یمه
یو ځلې راشه
ځان راوپېژنه
۱۳۸۹-۱۰-۳۰-جلال اباد