ژوند ستا د واړه نفسو تکرار و

د عشق په سوزنده حباب

کې د زړګي د حیاګانو تر مینځ

تا ته زما د کلماتو د اوبدون تله که سپکه ښکاري

سل زينې درد د زړه په سر وکړه

تر څو په خوب کې درشم

او در ته ووايمه:

زر وار شهید شه

خو يو ځل ميین شه

زر وار رسول شه

خو یو ځل د ګران د وړانګو د اور څکه وکه

زر وار عالم شه

خو یو ځل د بېخودۍ په سيند زنار تر غاړې وزنګېږه

زر وار عابد شه

خو یو ځل زموږ د زړه په ستي شوې رموز وپوهېږه

چې له جومات ځنې يې څرنګه

د نور په خم د مستو ميخانو سيوری ته کېنولو

سل زينې درد کښېږده

بيا مې په خوب کې راشه

۸ جولای ۲۰۱۶ شوني فيلډ برلين