فرید باراني
د بخت نسیم دی
ژېړې پاڼې د ګرجنو لارو پل پاکوي
عشق د بېخوده زړو په وړانګو کې تمثال د تواضع خپلوي
مرګ مو له وېرې له سایې ډارېږي
او عزراییل مو دخط کړو ترانو په رموز نه پوهېږي
چېرته د کوم بې اعتباره تزلزل ډډې ته دمه کوي
عشق لا هم دوه قدمه لاره نه ده
چې یو پر نفس کېږدې او د بل ګران په تکل وخوځوې
یو قدم لار ده پښه د نفس د وینو ډکو رګو
د شهوتونو پرنهرونو کېږده
وینې! چې خدای درته له خپلې وعدې هم نږدې دی
وینې! چې ګل او نسیم دواړه د خدای بوی خوروي
وینې! چې مال زر پردي مخه لري
وینې! چې عشق د استدلال پر کټي نه سپرېږي
۸ جولای ۲۰۱۶ شوني فیلډ