فرید باراني
ته د ګرانښت له ورځې څه خبره
ته د ګرانښت او ولنټین۱ له ورځې څه خبره!
تاته خو ګران نه یمه
ستا خو دژوند هره شېبه ده له خوښیو ډکه
هغه خو زه یمه چې
د خدای په شپو ورځو کې
تنها همدا ورځ په خوښي تېروم
او هغه هم تر تور ماښامه پورې ښتا په یاد کې
ته د ګرانښت له ورځې څه خبره
تاته د ځان ګرانښت له هر چا نه ګران
او ما ته ستا هېرول
د بدبختۍ په مانا
لکه د دې ټولې دنیا هېرول
ته د ګرانښت له ورځې څه خبره
۲۵-۱۱-۱۳۸۹-/ ۱۴- ۲ ۲۰۱۱
جلال اباد، صفا راډيو دفتر، د ولنټين ( د مینانو ) ورځ