کامګار خټک
که
غمونه د تمام وګړي ټول شي
زما غم به تر همه غمونو شپول شي
د
تمام وګړي غم به هومره نه وي
که زما د زړه له غمه سره تول شي
په
دنيا کې د ښادۍ څه اثر نه شته
په دروغه د ښادۍ غم د ډول شي
د
اجل غشي ته هيڅ نه ودريږي
برناحق په غاړه زغره په سر خول شي
که
په علم په حکمت لکه لقمان شي
په آخر د مرګ علاج ته ګنج و ګول شي
عاقبت
د مرګ هاتي که تر پښو لاندې
که خبره د اورنګ يا د بهلول شي
د
آشنا مخ به و نه ويني په سترګو
که کامګار په جهان سر په لاس کچول شي