که رقيب مې نيږدې نه پريږدي محبوب ته
 د يوسف د کميس بوی بس دی يعقوب ته

ملامت په ما ناحقه خلک کاندي
 د چا څه رنګه رغبت نه شي مرغوب ته

چې رهبر يې د اخلاص په مخکې نه وي
 د طالب رسيده نه شي و مطلوب ته

لاس و پښې وهي څو وي په سر د بحر
 توان د دم وهلو پاتې نه شي ډوب ته

د زړه سوز چې په کاغذ باندې رقم کړم
 څوک مې ګوتې ور وړی نه شي و مکتوب ته

د سبا ياده د يار په کوڅه ورشه
 د مهجور سلام عرضه کړه هغې خوب ته

يو د تا قهر و ما و ته سوړ نه شو
 ګنې نه شي د غالب قهر مغلوب ته

که ستا غم په ورغلی وي کامګاره
 توان به پاتې د شکيب نه و ايوب ته