رحمان بابا
له دې کټه له پوزي خو به ولاړ شې
ترو بيا خدای خبر چې کوم خوا ته به لاړ شې
په ظاهر صورت خو هسې معلومېږي
چې به خس غوندې تر پښو لاندې لتاړ شې
د اسمان زمکه به وي او ته به نه يې
په ودانه ودانۍ کې به ويجاړ شې
د بهار د ګلو عمر مدام نه وي
عندليب غوندې به پاتي په اهاړ شې
په ويلاړ ويلاړ به ځان ور پسې ورک کړې
چرې نه وي چې د ترکو په ويلاړ شې
که ليلی غواړې بايده دي دا رحمانه
چې مجنون غوندې ساکن د کوه و کاړ شې