رحمان بابا
چې نطر کړم په قسمت او په نصيب
راته هيڅ شي خپل تالاش و خپل ترتيب
مګر خود په خپله خدای د چا طبيب شي
ګڼه نشته په جهان کې بل طبيب
راڅرګند دی په سود او زيان د رقيبانو
که خدای نه کاندي خپل يار د چا رقيب
چې خپل يار د چا رقبيب شي دليل دا دی
لکه څوک چې په وطن کې شي غريب
چې غريب شي په وطن کې فرق يې نه وي
که فرسنګ يې وي تر ميانه که جريب
ما په عشق کې هيڅ حاصل نه کړه بې غمه
هر چې وايي واړه ښه وايي اديب
دښمن هم د سړي کله کله دوست شي
دوستي نه کا له رحمان سره حبيب