کامګار خټک
دلربا
چې مشکين خال په جبين کېښود
په خاطر يې زما داغ آتشين کېښود
چې
په زړه مې ستا د مينې آتش بل شو
کناره يې له زړه صبر تسکين کېښود
د
فراق په تېره توره مې سر بېل شو
که بې تا مې د راحت په بالين کېښود
سر
و مال د تش ديدن بها اخلې
په دا دور دې دا به قوانين کېښود
چې
جمال دې برهنه شه له نقابه
په ادب ورته مخ نمر په زمين کېښود
څو
صفت کړم ستا د حسن خود ښکاره دی
چې لاله غوندې يې داغ په نسرين کېښود
د
ختا د ملک هوسۍ په کې بندي شوي
چې دې دام په مخ د مشکو د چين کېښود
څه
عجب که د قالين تصوير ګويا شي
چې قدم دې د مسند په قالين کېښود
د
کامګار يې و جواب ته څه امکان دی
چې سعيد په پښتو ژبه تزئين کېښود