عبدالقادر خان خټک
په
قيامت به وي د عرش تر سيوري لاندې
بادشاهان چې عادلان شي عدل کاندي
په
هر قوم چې کرم د کردګار شي
سرداران به یې دينداره نېکوکار شي
ښه
حاکم رحمت په خلقو د سبحان دی
بد صورت که د انسان لري شيطان دی
نشانه
د خدای د قهر بد حاکم وي
چې هيڅ عدل انصاف نه لري ظالم وي
په
هر لوري کا د ظلم لمبې بلې
په کې زړونه د عالم کا جلي بلې
که
هر څو وطن شيرین وي خو یې پرېږده
چې یې چرته آرام شي هورې ته لېږده
ظالمان جان و جهان لره بلا دی
هغه خوار شول چې په ظلم مبتلا دی