ملا لتاړ
چې په چا کې شي پيدا د عشق مرض
کا له خلقه یې تنها د عشق مرض
قراری او صبوری ځنی بد رکا
سروکار یې کا غوغا د عشق مرض
په بارخو یې مدام اوښی د غم درومی
صابران کا په ژړا د عشق مرض
بادشاهی په يوه دم کې فراموش کا
سلطانان کاندي ګدا د عشق مرض
د آتش زياتی له باده وي يارانو
نصيحت کاندي سوا د عشق مرض
د عاشقو صحت بې ديدنه نه شي
نه لری بله دوا د عشق مرض
ژړول خندول دواړه که (لتاړه!)
هم جفا کا هم وفا د عشق مرض