ځکه سر دی عندليب په چغار زر، زر

 چې تيریږی د سروګلو بهار زر، زر

د خوږ زړه دمه په چيغو باندې کيږی

 ځکه کاندي فريادونه بيمار زر ، زر

ورپسی کړی خدای ښيری د عاشقانو

 ځبله اوړی چې داليل ونهار زر، زر

ورځ دښمنه د پتنګ شپه د بلبل ده

 ځکه درومې هميشه په رفتار زر ، زر

سوي پروت ځکه په اور کې پروا نه وی

 کښلوي چې د دلبر و رخسار زر، زر

وير د خپلو عاشقانو معشوقی کا

 ځی د شمعی په مخ اوښی قطار زر، زر

زما نه صرفه په هيچا باندې نه کا

 بيلوي مين ياران په تلوار زر، زر

سنبل موي د هغو زلفو کافوری شه

 چې تل زړونه یې پييل په هر تار زر، زر

له ګردون سره زړه سوي نشته (لتاړه!) 

 ورانوي دښايسته وو سينګار زر، زر