ملا لتاړ
آګاه نه شوې په ګذر د صبح و شام هيڅ
ور دې نه کړه په دنیا د خدای په نام هيڅ
په فانی روزګار دی تير که تمام عمر
ودی نه کړه و عقبا ته سر انجام هيڅ
د دنيا په خمار هسی مستانه شوی
نه پوهيږی د وګړو په الزام هيڅ
شپه و ورځ مشغول په کار د معصيت یې
بد اټکل که در ښکاره د نيکو کام هيڅ
څو په دا جهان ځان نه کړی بې آرامه
په هغه جهان به ونه کړی آرام هيڅ
په هغو زړونو به پوری د غم اور شي
چې تفريق نه کا د کفر د اسلام هيڅ
حق حيران يم زه (لتاړ) سنګين زړګی ته
نه نرميږی د پند کړونکيو په کلام هيڅ